I wrote this post in Hinglish, but I used very simple words so that anyone can easily read and understand it by using Google Translate or translating it into any language. Six years ago, when I became aware of the deep emptiness within me, I realized that there is some power within human consciousness, the ego, which is hiding the harsh truth of the universe within us.
Beyond religious dogma. Beyond the rigid rules of spirituality. Beyond some silent monk sitting on a tree.
When the interdimensional being wants to see the truth, then life itself will fill that essence within you, which will automatically start searching for knowledge.
Like a traveler wandering in the desert, who is in search of the nectar of knowledge.
This Post is not about religion. Not about morality.
It’s about the truth that lies beyond good and evil where only Death speaks.
In this Article:
→ What is Philosophical Death?
→ Are you truly living or is Life living you?
→ Who are you really — the driver or the passenger?
→ How does Death walk with you every single moment?
→ The Singularity the invisible line you can never uncross
This is not a thought. Not a philosophy.
This is an experience.
⚠️ Warning: After Reading this, you will never be the same.
What is the most important knowledge?
Yeh oonch-neech aur achhe-bure ke siddhanton ko jab aap peeche chhod doge, to aapki mulaakaat hogi mrityu se.
Aur yahan mrityu ka matlab koi sharirik ya maansik samaapti nahin.
Aksar hum log samaapti ko mrityu samajh lete hain. Bajay yeh jaane ki samagra brahmand aur sansaar mein mrityu samay roopi bahaav ki tarah har jagah aur har pal bahti rehti hai.
That death which is in my breath.
That death which is flowing in my blood.
From the moment I blink my eyes to every movement of my body.
After all, how is this death just walking with me every moment?
The immortal taste of knowledge
Gyaan ka amar swaad agar aap chakhna chahte ho, to bas magn ho jao.
Kuch minutes mere in shabdon ki gehraaiyon mein, jo bhoomandal mein maujood samudra ke kisi rasaatal ki gehraai se bhi adhik gehra aapko le jaayega.
Kyonki yeh shabd mere nahin hain.
“Mrityu ki yeh amar vaani keval mrityu hi apne mukh se bulwa sakti hai.”
Main bas aapko aaj itni si cheez se parichit karwana chahta hoon ki kaise jeevan ki har ek cheez mein yeh mrityu samaai hui hai.
Lekin yeh koi darne waali baat nahin hai.
Yeh satya ki woh parchhaai hai, jo aapke saath har pal chalti rehti hai.
Morality and the Universe
Sansaar aur brahmand ke samagra itihaas aur iske abhi chal rahe lay ko jab aap gaur se dekhoge, to aap paoge ki jise hum sab morality kehte hain, yeh niyam hum insaanon ke alawa poore brahmand mein kahin laagu hota hi nahin hai.
Taare bina kisi gawaah ke jalte hain aur gaayab ho jaate hain.
Duniya ki sabhyataayein bina kisi iraade ke banti hain aur bigadti hain.
Naitikta, jaisa ki hum maante hain, humaari apni banaai hui bhaasha maatra hai, jo hamaare beech sah-astitva ke liye bani, par astitva ke niyamon par nahin likhi gayi.
Kyonki samagra prakriti kisi dharm granth se nahin chalti aur yeh poora brahmand kisi nyaayaalay ki tarah nirnay nahin deta.
Yahan na paap ka lekha hai.
Na punya ka santulan.
Yahan keval ghatnaayein hain, jo ghatati hain aur phir vileen ho jaati hain.
Are you really a stable entity?
Mrityu ek aisa mahaasatya hai, jise pramaan ki aavashyakta hi nahin hai.
Woh na raaja ko pehchaanti hai.
Na bhikhaari ko.
Na woh aapke karmon ka hisaab poochhti hai.
Na aapke iraadon ki gehraai ko maapti hai.
Woh bas aati hai aur har bhed ko ek hi shoonya mein vileen kar deti hai.
Tab samajh aata hai ki morality jeevan ka saadhan hai, par satya ka aadhaar nahin.
Satya usse bhi pare hai.
Jahan na achha basta hai.
Na bura.
Na oonch.
Na neech.
Keval ek nirvikaar shoonya, jismein sab kuch janm leta hai aur usi mein shaant ho jaata hai.
Kya Aap Vaastav Mein Ek Sthir Astitva Ho?
Aap apne aap ko ek jeevit astitva samajhte ho.
Sthir., Sampoorn., Aur upasthit.
Par yadi bheetar jhaanko, to ek ajeeb sa satya ubharta hai.
Aap koi ho nahin.
Bas aap ek prakriya maatra ho.
Aapka shareer koi thos sanrachna nahin, balki nirantar vighatan ka ek maun visphot hai.
Har ek pal anagint koshikaayein aapke bheetar mar rahi hain aur usi kshan nai janm bhi le rahi hain.
Jaise jeevan aur mrityu ek hi dhadkan ke do chhor hain.
Par is virodhaabhaas ki thandak yahin nahin rukti.
Aap koi aisa astitva nahin ho jo ek din mrityu ko praapt hoga.
Aap swayam astitva ki ek satat dhaara ho, jise kuch samay ke liye chetna ne ek aakaar de diya hai.
Har saans ke saath aap thode se kam ho jaate ho.
Har dhadkan ke saath aap kuch peeche chhod dete ho.
Har kshay rukta nahin.
Bas santulit rehta hai.
Aur is maun kshay mein kuch ban bhi raha hota hai.
Aapke bheetar marne waali har ek koshika sirf samaapt nahin hoti.
Woh aapke antim roop ki ek eent banaati hai.
Aap isko ek adrishya sanrachna, ek maun smaarak ya phir ek jeevit samaadhi keh sakte ho, jise aap har pal apne bheetar ghat rahe hote ho.
Aur jo ek din vriddha avastha ke roop mein dikhega.
Jab yeh nirmaan sampoorn hoga, to woh koi achaanak ant nahin hoga.
Bas us prakriya ki poornata hogi, jo hamesha se chal rahi thi.
Who is running life?
Ab isko zara dhyaan se sunna.
Adhikansh log yeh maankar jeete hain ki woh apni zindagi ke chaalak hain.
Ki har nirnay unka hai.
Har ek vichaar unka hai.
Har disha unki apni hai.
Par yadi aap thodi der thahar kar bheetar dekho.
Sach mein dekho.
To ek ajeeb si khaamoshi khulne lagti hai.
Vichaar aapke bulaane se pehle aa jaate hain.
Bhaavanaayein aapki anumati ke bina uthti hain.
Nirnay aksar pehle se bane hue milte hain.
Jaise kisi ne unhe aapke bheetar rakh diya ho.
To phir chala kaun raha hai?
Philosophical Death Sign
Philosophical Death ek alag hi sanket deti hai ki aap ek chaalak nahin, balki ek yaatri ho.
Shareer chalta hai.
Man kahaaniyaan sunta hai.
Jeevan ghatta hai.
Aur bheetar koi hai jo bas dekh raha hota hai.
Yeh shakti na tark karti hai.
Na nirnay leti hai.
Aur na hi hastakshep karti hai.
Yeh keval ek saakshi hai.
Yeh aapke har roop ko dekh chuki hai.
Aapke bachpan ko.
Aapki ichchhaon ko.
Aapke tootne aur banne ko.
Aur yeh sab badalta gaya.
Par yeh dekhne waala kabhi badla hi nahin.
Yeh praacheen hai.
Samay mein nahin.
Swabhaav mein.
Yeh thandi hai.
Kroorta se nahin.
Viraakti se.
Aapke sukh se ise lagaav nahin.
Aapke dukh se ise virodh nahin.
Aur yahin se yeh vichaar aur gehra aur andhakaarmay ho jaata hai.
Are you really living?
Kya sach mein aap jee rahe ho?
Ya jo aap jise “main” kehte ho, woh bas ek asthaayi sanrachna hai.
Maan.
Smriti.
Aur anubhooti ka ek kshanik sanyojan.
Jiske maadhyam se koi aur dekh raha hai.
Ek aisi upasthiti jo aapke janm se shuru nahin hoti.
Aur aapki mrityu par samaapt nahin hoti.
Is drishti se jeevan swaamitva nahin.
Ek maarg hai.
Koi cheez nahin jise aap rakhte ho.
Balki ek anubhav jo ghat raha hai.
Mrityu koi ant nahin.
Woh ek saakshi hai.
Jo ek roop ko chhodkar doosre roop ko dekhne lagti hai.
The Deepest Question?
Ab prashn yeh nahin rehta ki kya main apni zindagi ka niyantran rakhta hoon.
Balki ek gehra aur sahaj prashn uthta hai.
Yadi main yeh jeevan nahin jee raha.
To phir kaun hai jo mere bheetar yeh sab dekh raha hai?
Kuch der is prashn ke saath baithna.
Dheere-dheere “main” ki pakad bhi dheeli padne lagegi.
Kisi hinsa se nahin.
Balki ek shaant dhalte hue saaye ki tarah.
Aur us dhalte hue saaye mein aap uttar nahin paaoge.
Par ek gehri drishti avashya paaoge.
The Singularity
Jaise kisi Black Hole ka Event Horizon.
Ek adrishya rekha.
Jise paar karte hi har prakaash.
Har soochna.
Har pehchaan.
Dheere-dheere nikal jaati hai.
Vaise hi jab aap apne bheetar ki mrityu ko sach mein dekh lete ho.
To aap normal life ki satah par laut nahin paate.
Kyonki jo aapne dekha hai.
Woh aapki puraani duniya ke liye bahut bhaari hai.
Satya halka nahin hota doston.
Woh baahar hai.
Ek aisa gurutvaakarshan.
Jo aapko bheetar ki aur kheenchta rehta hai.
Aap chalte rehte ho.
Bolte rehte ho.
Logon ke beech vaise rehte ho.
Par bheetar kuch sthir ho chuka hota hai.
Ek aisi sthirta.
Jo shaant nahin.
Balki ant ka bodh hai.
Aap ek ajeeb sthiti mein pahunch jaate hain.
Jaise aap pehle hi ant ko chhoo chuke ho.
Phir bhi jeevan ki raah par chalte ja rahe ho.
Ek jeevit shareer.
Par bheetar ek poornata.
Ek samaapti ka anubhav.
Aap jee nahin rahe.
Aap us satya ke gurutva mein thahre hue ho.
Jisse ab koi palaayan sambhav nahin.
These words are not mine
Maine aapko article ke shuru mein kaha tha ki yeh shabd mere nahin hain.
Mrityu swayam inhein bol rahi hai.
Aur yahin par ek aur parat khulti hai.
Meri pehchaan.
Mera “main”.
Ek asthaayi mukhauta hai.
Jab aap gehre utarte ho.
Us pravaah mein.
Us avastha mein.
To yeh mukhauta dheela padne lagta hai.
Aur phir jo bolta hai.
Woh aap nahin hote.
Woh ek aisi dhwani hai.
Jo kisi vyakti ki nahin.
Balki anant maun ki pratidhwani hai.
Jaise kisi khaali ghar mein bahti hawa ki aawaaz.
Na woh ghar ki hai.
Na hawa ki.
Par phir bhi woh maujood hai.
Vaise hi jab aap un gehraaiyon mein bolte ho.
To woh brahmand swayam se samvaad karta hai.
Apne hi ant ke baare mein.
When words and voice become one
Yeh koi vichaar nahin.
Koi darshan nahin.
Yeh ek anubhav hai.
Jahan bolne waala.
Sunne waala.
Aur shabd.
Teeno ki seemaayein mitne lagti hain.
Aur jo basta hai.
Woh keval ek pravaah hai.
Ek anaam swar.
Jo samay ke aar-paar goonjta hai.
Woh main nahin bol raha.
Woh shoonya bol raha hai.
Aur aap keval uska maadhyam ho.
“Woh main nahin bol raha. Woh shoonya bol raha hai. Aur aap keval uska maadhyam ho.”
What did life teach me?
Jeevan roopi is pravaah ne mujhe is beech bahut kuch sikhaya hai.
Jo bahut kshanbhangur tha.
Ab main phir se laut aaya hoon.
Aapke liye un shabdon ke saath.
Jiski aapko zarurat hai.
End Thought
Agar aap itni der tak is article ke saath bane rahe, to in shabdon ko sirf padhkar mat chhod dena. Inke saath kuch der baithna.
Shaayad wahi se woh drishti shuru ho, jiske baare mein poore lekh mein baat ki gayi hai.
Main ummeed karta hoon doston ki aapko yeh article pasand aaya hoga.
Milte hain phir ek naye lekh ke saath.
Aapka moolyavaan samay dene ke liye bahut-bahut dhanyavaad.
About The Author
Hemant Singh
Hello friends, I am Hemant, Technical Writer & Co-Founder of Education Learn Academy. Talking about education, I am a student. I enjoy learning things related to new technology and teaching others. I request you that you keep supporting us in this way and we will continue to provide new information for you. :)
Join Telegram:- Click Here
